Vendet tona fqinje janë në alarm nga koronavirusi. Pas Italisë, edhe Greqia ka shënuar një rritje të befasishme të të prekurve nga Covid-19.
Kështu, teksa numri i të infektuarve ka arritur në 31, vendi ka marrë masa të ashpra kundër përhapjes së virusit të rrezikshëm. Autoritetet helene kanë mbyllur për dy ditë shkollat, teatrot, kinematë, dhe pikat turistike e sportive në rajonin e Akaias.
Rritja e menjëhershme e të të infektuarve erdhi nga një grup turistësh që u kthyen nga Izraeli dhe Egjipti.
Lajmi u konfirmua nga zëdhënësi për shtyp i Ministrisë së Shëndetësisë, Tsidoras, që theksoi se vetëm dy nga rastet e paraqitura janë me pneumoni, kurse të tjerat me simptoma të buta. Po ashtu ai paralajmëroi se duke parë situatën, priten të tjera raste me koronavirus në ditët e ardhshme.
