Britania e Madhe po përballet me pasojë të rënda nga pandemia. Edhe pse diçka e tillë pritej, pasojat e koronavirusit për ekonominë e vendit kanë qenë më shkatërrimtare sesa priteshin.
Instituti i Statistikave britanik ka bërë të ditur të dhënat mbi ekonominë në vend në muajt e fundit, dhe ato shënojnë një rekord negativ të paprecedent.
Gjatë tremujorit shkurt-prill, rënia në ekonominë vendase ka arritur një mesatare 10.4%, ndërkohë që muaji prill ka shënuar rënien më dramatike të regjistruar ndonjëherë, me 20,4%.
Kjo shënon rënien më të madhe në histori, tri herë më e madhe sesa në rastin e krizës financiare të viteve 2008-2009. Sipas analistëve, rënia e këtyre muajve do të shënojë një plagë që do të duhet vite për t’u “shëruar”./Opinion.al
