Një viktimë dhe 8 raste të reja është bilanci i 24 orëve të fundit i COVID-19 në Kosovë. Gjatë këtij harku kohor, në këtë shtet janë kryer 2.112 teste për COVID-19.
Po ashtu, autoritetet shëndetësore bëjnë me dije se janë shëruar edhe nëntë pacientë, teksa raste aktive janë 174 .
Kosova në total ka regjistruar 107.653 raste me COVID-19. Prej tyre, 2.225 pacientë kanë vdekur dhe 105.227 janë shëruar.
Në 24 orët e fundit, në Koëovë janë vaksinuar 965 persona kundër koronavirus. Në total, Kosova ka administruar 133.868 doza të vaksinës, ndërsa 17.811 qytetarë janë vaksinuar plotësisht.
Më 15 qershor, në Kosovë ka nisur fushata e vaksinimit masiv. Autoritetet deklarojnë se deri në fund të vitit të vaksinojnë 60 për qind të popullatës./ Opinion.al
