Irani ka njoftuar 134 vdekje të tjera nga koronavirusi, duke e çuar totalin në 3,294.
Zëdhënësi i Ministrisë së Shëndetësisë, tha në një konferencë shtypi se 2,715 infeksione të reja ishin konfirmuar në 24 orët e fundit, ndërsa totali i rasteve është rritur në 53,183.
Irani është një nga vendet më të goditura nga pandemia e koronavirusit dhe është duke luftuar të kontrollojë shpërthimin që kur raportoi vdekjen e parë në 19 shkurt.
Zëdhënësi tha se 17.935 prej atyre që janë shtruar në spital ishin shëruar, ndërsa 4,035 ishin në një gjendje kritike.
Qeveria ka ndaluar të gjithë udhëtimet ndërkombëtare deri në të paktën 8 Prill dhe i ka kërkuar vazhdimisht iranianëve që të qëndrojnë në shtëpi. Nuk ka asnjë bllokim zyrtar brenda qyteteve të Iranit.
Presidenti Hassan Rouhani paralajmëroi të enjten se nuk do të ndërmerret ndonjë masë e shpejtë dhe se Irani mund të duhet të luftojë kundër pandemisë për një vit tjetër.
Autoritetet kanë mbyllur shkolla dhe universitete, si dhe katër destinacione kryesore pelegrinazheve fetare shiite, përfshirë faltoren në Qom, qyteti ku u raportuan vdekjet e para.
Ata gjithashtu kanë anuluar lutjet kryesore javore të së Premtes dhe parlamenti është mbyllur përkohësisht. /Opinion.al
