Koreja e Veriut ka testuar sërish raketa balistike duke shkelur kështu premtimin e bërë presidentit Trump se këto prova do të ndalonin deri pas përfundimit të stërvitjes ushtarake mes forcave amerikane dhe atyre koreano-jugore.
Trump u shpreh në lidhje me këto testime se ato nuk janë shkelje të zotimeve të Koresë së Veriut. Shefi i Shtëpisë së Bardhë tha para se të udhëtonte drejt Francës për takimin e G-7-ës se udhëheqësi i Koresë së Veriut Kim Jong Un “ka qenë shumë i drejtpërdrejtë me mua… Atij i pëlqen të provojë raketat, por ne nuk kemi kufizuar kurrë raketat me rreze të shkurtër veprimi”.
Ushtria e Koresë së Jugut konfirmoi se raketat janë hedhur nga krahina e Hamgyongut jugor në bregdetin e saj lindor.
Sipas një deklarate raketat vlerësohet të jenë “me rreze të shkurtër veprimi”. Ato fluturuan rreth 380 kilometra, duke arritur një lartësi prej 97 kilometrash dhe një shpejtësi prej 6.5 Machës, (1 mach është i barabartë me 1225 kilometra në orë). /Opinion.al
