Koreja e Veriut ka testuar një raketë të re me rreze të gjatë veprimi të aftë të godasë pjesën më të madhe të Japonisë, thanë mediat shtetërore të hënën.
Në testet e kryera gjatë fundjavës rezultoi se raketat mund të udhëtonin deri në 1.500 km (930 milje) larg. Sidoqoftë, ato nuk shkelin rezolutat e Këshillit të Sigurimit të OKB -së – që në të kaluarën kanë çuar në sanksione të ashpra ndaj Koresë së Veriut.
Testimi i një rakete të re tregon se Koreja e Veriut është ende një vend i aftë të zhvillojë armë pavarësisht mungesës së ushqimit dhe krizës ekonomike.
Testi ishte i një “rëndësie strategjike” si një masë parandaluese për të garantuar sigurinë e Koresë së Veriut dhe për të parandaluar fuqishëm manovrat ushtarake të forcave armiqësore.
Raketa e testuar është e para raketë lundruese me rreze të gjatë në Korenë e Veriut që mund të mbajë një kokë bërthamore, sipas analistit të Koresë së Veriut Ankit Panda.
Ky veprim i Koresë së Veriut ka shqetësuar qeverinë japoneze, e cila deklaroi se po punonte me SHBA dhe Korenë e Jugut për të monitoruar zgjidhjen.
Ushtria amerikane ka reaguar gjithashtu, duke thënë se testi tregoi “fokusin e vazhdueshëm të Koresë së Veriut në zhvillimin e programit të saj ushtarak dhe kërcënimet që paraqesin për fqinjët e saj dhe bashkësinë ndërkombëtare. Angazhimi i Shteteve të Bashkuara për të mbrojtur aleatët Korenë e Jugut dhe Japoninë mbetet i hekurt”./Opinion.al
