Koreja e Veriut ka kryer një tjetër provë të një droni sulmues nënujor bërthamor.
I quajtur “Haeil–2”, droni nënujor iu nënshtrua një prove në Portin Kajin në Qarkun Kumya të Provincës Jugore Hamgyong pasditen e 4 prillit, ku përshkoi “distanca të simuluara nënujore prej 1000 kilometrash” për 71 orë e gjashtë minuta.
Këtë lajm e kanë bërë të ditur mediat koreane ditën e shtunë, ku theksuan se demonstrimi i fundit i aftësive të kësaj pajisje ushtarake u bë më 23 mars, e cila mund të “prodhojë një cunami radioaktiv në shkallë të gjerë”. Arma “shpërtheu me saktësi nën ujë”, shtoi KCNA, duke deklaruar se testi demonstron besueshmërinë e sistemit të armëve strategjike të nëndetëseve dhe aftësinë e tij të goditjes vdekjeprurëse.
Sistemi i armëve strategjike është thelbësor për frenimin e të gjitha llojeve të veprimeve të përshkallëzuara ushtarake të armikut, eliminimin e kërcënimeve dhe mbrojtjen e Republikës Popullore Demokratike të Koresë dhe do të jetë një potencial ushtarak superior i forcave tona të armatosura të ardhshme, thotë KCNA.
