Koreja e Veriut ka lëshuar dy raketa me rreze të shkurtër për herë të tretë në pak më shumë se një javë.
Lajmi u bë i ditur nga zyrtarë të Shteteve të Bashkuara dhe të Koresë së Jugut, të cilët thanë se ashtu si dy herët e tjera, Koreja e Veriut i gjuajti raketat në Detin Lindor.
Zyrtarët në Seul thanë se janë në gjendje gatishmërie dhe se po e monitorojnë situatën në rast të gjuajtjeve të tjera, ndërsa Presidenti i Shteteve të Bashkuara, Donald Trump, ka bërë përpjekje të rinisë negociatat për çarmatosje me Korenë e Veriut.
Më 31 korrik, Koreja e Veriut testoi dy raketa që fluturuan rreth 250 kilometra, në një lartësi maksimale prej 30 kilometrash.
Këto zhvillime vijnë pas takimit të Trump, në fund të qershorit, me udhëheqësin verikorean, Kim Jong Un, në zonën e çmilitarizuar që ndan dy Koretë.
Sipas ekspertëve testimet e raketave me rreze të shkurtër dhe të mesme janë një reagim që vjen nga Korea e Veriut kundër stërvitjeve ushtarake të përbashkëta midis SHBA-së dhe Koresë së Jugut që fillojnë këtë muaj/Opinion.al
