Ushtria jugkoreane tha se Koreja e Veriut ka nisur dy “raketa” të paidentifikuara në det. Sipas Ministrisë së Mbrojtjes së Japonisë, objektet janë raketa balistike. Besohet se ato janë nisur sot nga Deti Lindor, i njohur ndryshe edhe si Deti i Japonisë.
Në rast se ky njoftim konfirmohet, kjo do të shënonte herën e 12-të të testimeve të kryera këtë vit nga Koreja Veriore. Më herët gjatë këtij muaji, Koreja Veriore ka testuar një lloj të ri rakete, që besohet se është nisur nga një nëndetëse.
Ky lajm vjen në kohën kur bisedimet për çështje bërthamore mes Phenjanit dhe Uashingtonit janë pezulluar.
Donald Trump ka takuar liderin verikorean, Kim Jong-un ishte në qershor të këtij viti, në kufirin mes dy Koreve por nuk arritën në asnjë marrëveshje. Ndërkohë bisedimet në mes zyrtarëve të Shteteve të Bashkuara dhe atyre të Koresë Veriore në Suedi dështuan./Opinion.al
