Koreja e Veriut ka hedhur, ditën e sotme, një raketë tjetër balistike, e cila ra pranë brigjeve detare të Japonisë.
Zëdhënësi i qeverisë japoneze Yoshihide Suga tha se raketa fluturoi për rreth 45 minuta dhe u rrëzua nga bregu japonez, midis Japonisë dhe Gadishullit Korean.
Kryeministri Shinzo Abe thirri në takim Këshillin Kombëtar të Sigurisë të Japonisë.
“Kam marrë informacione se Koreja e Veriut edhe njëherë ka hedhur një raketë. Ne do të analizojmë menjëherë informacionin dhe do të bëjmë çmos për të mbrojtur sigurinë e popullit japonez,”- deklaroi kryeministri i Japonisë.
Autoritetet japoneze, NHK, kanë deklaruar se rojet bregdetare kanë përhapur informacionin që njerëzit, anijet dhe avionët të kenë kujdes.
Ende nuk ka informacione për të lënduar ose për madhësinë she peshën e raketës.
