Koreja e Veriut ka paralajmëruar për “pasoja katastrofike” si përgjigje e ndonjë provokimi të mëtejshëm nga ana e SHBA-së. Ky ka qenë reagimi i liderit koreano-verior një ditë pasi një grup luftanijesh të marinës amerikane u dërguar në ujërat jashtë Gadishullit Korean.
Ministria e Jashtme koreane, e cituar nga agjencia shtetërore e lajmeve KCNA, e cilëson këtë lëvizje të SHBA-ve, si një lëvizje të pamatur për pushtim dhe se situata ka kaluar në një fazë serioze.
“Ne bëjmë me përgjegjësi SHBA-të, për pasojat katastrofike të shkaktuara nga veprimet e saj të egra. DPRK është e gatshme të reagojë në çdo mënyrë lufte që do SHBA-ja”, thuhet në deklaratën e ministrit të Jashtëm korean, cituar nga agjencia shtetërore e lajmeve, KCNA.
Ndërsa Donald Trump ka deklrur se Shtetet e Bashkuara të Amerikës janë të përgatitutra për të vepruar të vetme kundër kërcënimit bërthamor që vjen nga Koreja e Veriut.
