Të paktën 16 persona kanë mbetur të vdekur në Korenë e Jugut, pasi bateritë e litiumit kanë shkaktuar një shpërthim masiv.
Sipas BBC, mësohet se ngjarja ka ndodhur në qytetin e Hwaseong, 45 km larg Seulit.
Koreja e Jugut njihet si lider në prodhimin e baterive të litiumit, të cilat përdoren gjerësisht që te automjetet elektrike e deri te laptopët.
Mësohet se në fabrikën “Aricell” kishte rreth 35 mijë bateri të paketuara në katin e dytë të saj.
Në momentin e shpërthimit, brenda saj ndodheshin 100 punëtorë, ku shumë prej tyre kanë mbetur të plagosur.
Duke qenë se zjarri i litiumit mund të reagojë intensivisht me ujin, zjarrfikësve iu desh të përdornin rërë të thatë për të shuar flakët, të cilit iu deshën disa orë për t’u vënë nën kontroll.
Bateritë e litiumit rrezikohen të shpërthejnë nëse dëmtohen ose mbinxehen.
Ndërsa një zjarr mund të shuhet, ai mbetet në rrezik të rindezjes pa paralajmërim për shkak të reaksionit kimik./Opinion.al
