Koreja e Jugut ka miratuar një ligj që ndalon përdorimin e telefonave celularë dhe pajisjeve inteligjente gjatë orëve të mësimit në shkolla duke përfshirë arsimin fillor dhe atë të mesë. Ligji, i cili hyn në fuqi nga viti shkollor i ardhshëm në mars të vitit 2026, është rezultat i një përpjekjeje dypartiake për të luftuar varësinë nga celularët , pasi studimet tregojnë efektet e dëmshme të tyre.
Ligjvënësit, prindërit dhe mësuesit argumentojnë se përdorimi i telefonave ndikon negativisht në performancën akademike të nxënësve dhe u merr kohën që mund të shpenzohej për mësim. Ligji është përballur edhe me skepticizëm duke përfshirë edhe nxënësit të cilët kanë ngritur dyshime mbi zbatimin e tij. Projekligji mori miratimin final me 115 vota pro nga 163 deputetë prezentë në séance parlamentare.
Shumica e shkollave në perëndim zbatojnë tashmë forma të ndryshme të ndalimit të përdorimit të celularëve përgjatë orëve mësimore nëpërmjet rregulloreve të ndryshme, megjithatë Koreja e Veriut është një ndër të paktat vende në botë që ka shpallur dhe future në fuqi një ligj për një problematikë të tillë. Sipas një studimi qeveritar të vitit 2024 ne Seul, pothuaj një e katërta e popullsisë së vendit prej 51 milionë banorësh përdor telefonin në mënyrë të tepruar, ndërsa kjo shifër rritet në 43% për moshat 10–19 vjeç.
Mbi një e treta e adoleshentëve pranojnë se nuk mund të kontrollojnë kohën e kaluar në rrjetet sociale. Prindërit shqetësohen se kjo ndikon në mësim dhe marrëdhëniet shoqërore të fëmijëve. Ligji i jep mësuesve mundësinë të ndalojnë përdorimin e telefonave në territorin e shkollës dhe kërkon që shkollat të edukojnë nxënësit mbi përdorimin e duhur të pajisjeve inteligjente. Ka disa përjashtime: nxënësit me aftësi të kufizuara ose nevoja të veçanta edukative mund të përdorin pajisje ndihmëse, dhe lejohet përdorimi për qëllime edukative ose emergjenca.
Mësuesit janë të ndarë mbi ligjin. Federata Konservatore e Mësuesve e mbështeti, duke theksuar se ligji siguron një bazë ligjore më të fortë për kufizimin e telefonave, ndërsa Sindikata e Mësuesve dhe Punonjësve të Arsimit nuk ka marrë një qëndrim zyrtar, duke shprehur shqetësim se mund të shkelë të drejtën e nxënësve për përdorim të telefonave.
