Koreja e Jugut do të fillojë trajtimin e pacientëve me koronavirus me pilulat antivirale të Pfizer. Sipas mediave të huaja vendi aziatik e ka marrë këtë vendim, pasi shqetësimi për përhapjen e variantit shumë ngjitës Omicron po rritet.
Të quajtura Paxlovid, rreth 630,000 pilula, të mjaftueshme për 21,000 njerëz, mbërritën të enjten për t’u shpërndarë në 280 farmaci dhe 90 qendra trajtimi, tha Agjencia Koreane e Kontrollit dhe Parandalimit të Sëmundjeve (KDCA).
“Ilaçi duhet të luajë një rol domethënës në frenimin e numrit të pacientëve që do të zhvillonin simptoma kritike,” tha Kim Ki-nam, një zyrtar i KDCA, në një konferencë.
Pilulat do të përdoren për të trajtuar më shumë se 1000 njerëz në ditë, me grupe prioritare duke përfshirë pacientët me rrezik të lartë, ata të moshës 65 vjeç e lart dhe ata me imunitet të dobët, tha KDCA.
Çdo pacient u këshillua të merrte tre pilula në të njëjtën kohë dy herë në ditë për pesë ditë.
Pilulat Paxlovid sipas Pfizer janë pothuajse 90% efektive në parandalimin e shtrimeve në spital dhe vdekjeve, dhe të dhënat sugjeruan se është efektive kundër variantit Omicron të Covid-19./Opinion.al
