Tre persona janë arrestuar nga Sektorit kundër Krimit Ekonomik pasi kishin blerë bagëti me euro të falsifikuara. Sipas policisë kanë rënë në pranga Dionis Vina 33 vjeç, Robert Murataj 55 vjeç dhe Aleks Qiqi 31 vjeç të cilët kishin mashtruar disa barinj duke u blerë bagëtitë me para të falsifikuara.
Por këta persona përveç blerjes së bagëtive, me lekët e falsifikuara kishin hedhur skedina në disa pika bastesh. Në momentin që janë arrestuar nga policia të tre personave u janë gjetur 3 800 kartmonedha të falsifikuara.
Sipas policisë dyshohet se nga eurot e falsifikuara janë mashtruar edhe qytetarë të tjerë në qytetin e Korçës, për të cilët po punohet për dokumentimin e çdo rasti.
