2 viktima dhe 3 të plagosur është bilanci tragjik i një aksidenti automobilistik të ndodhur në Korçë.
Burime zyrtare të policisë bëjnë me dije se ngjarja ka ndodhur në rrugën nacionale Korçë – Bilisht, pranë kryqëzimit të fshatit Plasë.
Dy automjete, përkatësisht me targa AA 251 EP veturë dhe mjeti tip furgon me targa AA 519 EX janë përplasur me njëra-tjetrën.
Sipas policisë, rezulton se personat e plagosur dhe viktimat janë punonjës policie në IEVP-Drenovë, të cilët nuk kanë qenë në shërbim në momentin kur ka ndodhur aksidenti.
Viktima të aksidentit janë Agim Beshi 54 – vjeç nga Fushë – Kruja dhe Fatmir Islami, i cili ndërroi jetë më herët, ndërsa të plagosurit janë L.K; N.O; I.G.
Grupi hetimor po punon për zbardhjen e shkaqeve të aksidentit.
