Autoriteti Kombëtar i Ushqimit ka gjobitur gjashtë biznese në Korçë pasi akuzohen se tregëtonin vezë dhe mish pa vulën përkatëse. Po ashtu, bizneset tregtonin produkte që iu kishte kaluar afati i përdorimit.
“Nga kontrollet e kryera në subjektet me iniciale “E”, “H.E”, “A.C”, “Ll”, “ZH” dhe “K.F”, u konstatua hedhja në treg e ushqimit të pasigurt për konsum, tregtimi i produktit vezë pa vulën përkatëse dhe të paetiketuara, mungesë e sistemit të gjurmueshmërisë, tregtimi i produkteve ushqimore me afat të kaluar përdorimi si dhe ushtrim i aktivitetit i pa pajisur me licencën përkatëse”, njofton AKU.
Këtyre bizneseve AKU iu vendosi 11 gjoba me vlerë 2,100,000 lekë të rinj si dhe u bllokua sasia prej rreth 20,000 kokrra vezë dhe produkte të tjera ushqimore të pasigurta për konsum./Opinion.al
