Një konflikt i çastit mes disa personave në Korçë ka përfunduar me një të plagosur. Ngjarja ka ndodhur rreth orës 17:20, në lagjen nr. 17, në rrugën “Muzakajt”.
Esmerald Sheme, është dëmtuar me mjete të rënda ndodhet në Spitalin e Korçës, jashtë rrezikut për jetën.
“Rreth orës 17:20, në lagjen nr. 17, në rrugën “Muzakajt”, gjatë një konflikti të çastit midis disa personave është dëmtuar me mjete të forta Esmerald Sheme, i cili ndodhet në Spitalin e Korçës, jashtë rrezikut për jetën”, njofton policia.
Uniformat blu thonë se personat e tjerë të përfshirë në këtë konflikt, aktualisht ndodhen të shoqëruar në ambientet e Komisariatit të Policisë Korçë, për veprime të mëtejshme.
Grupi hetimor po punon për të sqaruar rrethanat e ngjarjes./Opinion.al
