Një automjet është djegur në orët e para të mëngjesit në qytetin e Korçës.
Uniformat blu bëjnë me dije se ngjarja ka ndodhur rreth orës 03:45, në lagjen nr. 5, ku ka rënë zjarr në automjetin tip “Volkswagen” në pronësi të shtetasit me iniciale M. A., 30 vjeç, banues në Korçë.
Nga këqyrja paraprake e kamerave të sigurisë të banesës, nuk janë konstatuar lëvizje të ndonjë personi të dyshimtë apo ndonjë veprim i kryer ndaj mjetit.
Paraprakisht dyshohet se zjarri në mjet, mund të ketë rënë për shkaqe aksidentale (shkëndijë elektrike).
Grupi hetimor po punon për përcaktimin e plotë të shkakut të rënies së zjarrit./Opinion.al
