Një 63-vjeçar është vënë nën hetim nga policia, pasi nuk ka njoftuar autoritetet që gruaja e tij ishte vetëvarur.
Përmes një njoftimi, uniformat blu bëjnë me dije se ngjarja ka ndodhur në fshatin Kolanec në Maliq. Ai akuzohet për veprën penale “Veprime që pengojnë zbulimin e së vërtetës”.
“Specialistët për Hetimin e Krimeve në Komisariatin e Policisë Maliq, filluan procedimin penal për shtetasin F. M., 63 vjeç, banues në fshatin Kolanec, Maliq, pasi ky shtetas nuk ka njoftuar organet e Policisë se në datën 17.06.2021, në banesë, ishte vetëvarur bashkëshortja e tij shtetasja F. M., 61 vjeçe, duke konsumuar elementë të veprës penale “Veprime që pengojnë zbulimin e së vërtetës”, njofton policia.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme./Opinion.al
