Një aksident i rëndë ka ndodhur këtë mbrëmje në Korçë. Një këmbësore ka ndërruar jetë pasi është përplasur nga një automjet pranë fshatit Poloskë. Viktima është identifikuar si shtetasja R.G, ndërsa drejtuesi i mjetit shtetasi A.K. Policia ka mbërritur në vendngjarje dhe po punon për zbardhjen e rrethanave të saj.
Njoftimi i policisë:
Më datë 11.08.2021, rreth orës 20:00, në aksin rrugor Bilisht-Miras, në afërsi të fshatit Kuç, Devoll, shtetasi A. K., duke drejtuar mjetin tip “Nissan”, ka aksidentuar shtetasen R. G., rreth 70 vjeçe, këmbësore në rrugë, e cila ka ndërruar jetë.
Drejtuesi i mjetit, ndodhet i shoqëruar për veprime të mëtejshme procedurale.
Grupi hetimor po punon për zbardhjen e rrethanave të aksidentit.
