Një 89-vjeçar është mbytur në një pus në Korçë. Policia njofton se ngjarja ka ndodhur në fshatin Barç, ndërsa i moshuari H. D., është gjetur i pajetë rreth orës 08:00 të mëngjesit të sotëm.
Nga të dhënat e para dhe deklarimet e marra familjarëve, rezulton se i moshuari vuante nga skleroza dhe se ishte larguar një ditë më parë, nga banesa e tij.
Njoftimi i Policisë
Më datë 15.11.2020, rreth orës 08:00, në fshatin Barç, është gjetur i mbytur në një pus uji shtetasi H. D., rreth 89 vjeç, banues në këtë fshat.
Nga të dhënat e para dhe deklarimet e marra familjarëve, rezulton se ky shtetas vuante nga skleroza dhe se ishte larguar një ditë më parë, nga banesa e tij. Grupi hetimor po punon për sqarimin e rrethanave të ngjarjes./ Opinion.al
