Ka folur për mediat bashkëshorti i gruas në Korçë që futi foshnjën e saj në një valixhe, duke i shkaktuar vdekjen.
Bashkëshorti i saj është shprehur se ndodhej në emigracion në Greqi dhe ishte thyer në banesën e tij para një muaji.
Ai thotë se dyshon se bashkëshortja e tij e ka abortuar foshnjën para një muaji dhe e ka fshehur më pas në shtëpi.
I pyetur nëse mendon se fëmija ishte i tij, ai thotë se nuk e di, por dyshon se nuk është.
“Para një muaji erdha, dyshimi është që ka abortuar para një muaji, nuk e di nëse fëmija është i mi, besoj se jo. 6 muajt e fundit isha në Greqi. Ajo jetonte vetëm me çunin”, u shpreh ai.
Në dëshminë e tij në polici ai ka deklaruar se prej kohësh ndiente një erë të rëndë në banesë, por nuk e kishte kuptuar se nga çfarë vinte dhe se vetëm ditën e djeshme ka gjetur foshnjën e futur në valixhe.
Gruaja, e cila vuan nga probleme të shëndetit mendor, aktualisht ndodhet në maternitetin e qytetit dhe po mbahet në vëzhgim nga policia dhe nga mjekët.
