Gjykata e Korçës ka vendosur masën e sigurisë “arrest me burg” për Nesim Demollarin. Ai akuzohet se ka vrarë nënën e tij, Nazime Demollari, 84-vjeç. Nga hetimet rezulton se e ndjera ishte dhunuar dhe ishte goditur me mjete prerëse në gjithë trupin. Por djali i saj, Nesim Demollarin ka thënë në gjyq se nuk është e vërtetë, pasi e ka gjetur të ëmën pa jetë në korridor.
“Mamanë e gjeta në koridor. Atë e ushqeja unë, por ajo bënte veprime të pandërgjegjshme. Me quante Goni mua, jo Nesim. Dilte nga shtëpia vetë, por ishte me sklerozë, binte dhe rrezohej vetë. Unë e gjeta midis banjës dhe korridorit të shtrirë. E çova në dhomë. I shërbej prej vitesh. Kishte rënë nga divani me kokë. Dy dite me pare vrau syrin. Nuk e kam vrare unë, vdiq vetë. Pasi vdiq mora vëllanë në telefon. Unë kam punuar 20 vite në Greqi. Jam i pafajshëm dhe dua të gjykohem i lirë, dua të punoj, se nuk kam të ardhura”, ka thënë Nesim Demollari./Opinion.al
