Një 47-vjeçar është gjetur i pajetë brenda një automjeti në qytetin e Korçës.
Sipas asaj që raporton korrespondentja e Klan News, Daniela Zisi, mjeti ndodhej në lagjen nr.10 të Korçës, në një rrugë dytësore krahas Unazës.
Mësohet se 47-vjeçari me iniciale Ç.M. ka humbur kontaktet prej ditës së djeshme me familjarët, të cilët e kanë raportuar në polici rastin.
Dyshohet që viktima mund të ketë pirë stimulues, si pasojë e të cilëve ka gjetur vdekjen.
Ende nuk dihet rrethanat e rastit, ndërsa Policia ka mbërritur në vendin e ngjarjes dhe po kryen veprimet hetimore.
