Një makinë që po transportonte sirianë, është përfshirë në aksident, pasi nuk i është bindur urdhrit të policisë për të ndaluar.
Bëhet më dije se mjeti tip “Opel” është përmbysur dhe ka dalë nga rruga, ndërsa brenda tij ndodheshin katër shtetas sirianë.
Ngjarja ka ndodhur në zonën e njohur Çezmat e Senjishtit, afër fshatit Lozhan të Maliqit.
Fatmirësisht, të lënduarit janë jashtë rrezikut për jetën. Ndërkohë, policia ka mbërritur në vendin e ngjarjes dhe ka shoqëruar drejtuesin e mjetit dhe emigrantët./Opinion.al
