Policia e Korçës ka arrestuar dy vëllezër pasi akuzohen se transportonin emigrantë të paligjshëm.
Mësohet se në pranga kanë rënë Enea Prendi, 33 vjeç dhe Aleksandër Prendi, 45 vjeç, të dy banues në Laprakë, Tiranë. 33 vjeçari u arrestua teksa po transportonte me makinë 13 emigrantë, por pas kryerjes së testit të alkoolit, rezultoi se ishte i dehur.
Policia ka arrestuar edhe të vëllanë pasi e shoqëronte me një automjet tjetër. Nga hetimet e kryera, rezultoi se vëllai i 33-vjeçarit, Aleksandër Prendi shoqëronte me automjetin tip “BMW”, automjetin që transportonte emigrantët për ta sinjalizuar atë për prezencë të shërbimeve të policisë në rrugë.
