Ervehe Rrapo, e ëma e kryeplakut të fshatit në Korçë, i cili akuzohet se ka abuzuar seksualisht me një të re, ka deklaruar për mediat se i biri Ervis Rrapo nuk ishte i përfshirë në këtë ngjarje.
Sipas fjalëve që i ka treguar I biri, Ervehe thotë se nuk ka shumë informacion për ngjarjen, por bën me dije se Ervis Rrapo ishte konflikuar me të atin e vajzës, që dyshohet se është përdhunuar.
Ndër të tjera ajo thotë se djali nuk ka kryer gjë, pavarësisht faktit që ka qenë në shtëpinë e të resë.
“Vij në shtëpi unë dhe e pyes pse je zverdhur. Ja më shau ky këtu (i ati i vajzës që dyshohet se është abuzuar) më tha, dhe e godita njëherë. Tani thonë që e kanë zënë (ka abuzuar seksualisht). Akuzohet sikur e ka zënë. Nuk ka kryer gjë, ai thjesht kishte pirë dhe kishte ikur atje. Nga mendja nuk është normale. Djali im nuk më tha gjë, erdhi fjeti gjumë. Atë e thirri i ati se do pinin ndonjë gotë. Im bir është beqar. Policia e mori dje. Iku vetë”, tha ajo.
