Aktualitet

Kopshti Botanik/Protesta dhe përplasje në distancë mes Bashkisë dhe UT


               Publikuar në : 12:25 - 09/10/19 |
Al Do

Qeveria vendosi më 17 qershor që Kopshti Botanik ti kalojnë në pronësi Bashkisë së Tiranës. Ky vendim provokoi reagimin e Universitetit të Tiranës dhe sot stafi pedagogjik dhe studentë të këtij Universitetit kanë shkuar para Gjykatës Administrative ku protestojnë për rikthimin e statusit.

Megjithatë seanca gjyqësore ku do të shqyrtohej Universitetit të Tiranës ndaj vendimit është shtyrë për në datën 20 tetor.

Pas vendimit të Këshillit të Ministrave, rektori i UT-së Mynyr Koni, theksoi se ajo ishte në shkelje të plotë me ligjin dhe paralajmëroi se do të vazhdonte beteja ligjore.

Dekani i Fakultetit të Shkencave të Natyrës, Spiro Drushku ka qenë sot në protestë së bashku me pedagogë dhe studentë. Ai sqaroi se ky kopsht nuk është një kënd rekreativ por një qendër kërkimore për fakultetin.

“Ne nuk do të ndalemi, kopshti është dhe duhet t’i mbetet universitetit”, tha Drushku duke shtuar se Bashkia e Tiranës nuk ka asnjë të drejtë mbi të.

Nga ana tjetër kryebashkiaku Veliaj ka reaguar në lidhje me këtë çështje. Ai nuk është tërhequr nga iniciativa e Bashkisë duke thënë se rektori Koni është pjesë e një skeme korruptive.

“Këta janë një tufë me avdallë që nuk e bëjnë dot këtë punë se ndryshe nuk na kishin lënë Liqenin. Sot dalin për vrap e harrojnë që nuk ka qenë kështu. Si s’doli njeri të kapi lopatën, kanë alergji nga lopata, këta botanistët, këta dashnorët e shkencës. Këta që ju keni vite jete sa kanë ata vite në pushtet, s’kanë prek një lopatë me dorë edhe kjo u sjell alergji, se si kalaja, si liqeni si amfitearti, këta që ju dhimbset gjëja publike, peng i 5 mijë lekshave të nuseve, ju garantoj ata qe duan te bëjnë shkence që jo vetëm do keni mundësi të bëni shkencë por do keni më shumë hapësirë, kjo bashki me financa modeste mobilizon edhe të tjerët të që të japin një dorë. Ata që duan të bëjnë shkence e s’janë matrapazët e bandës së Mynirit, janë të mirëpritur, në vend të na sillnin marrëveshjen na sollën fletërrufe, nën siglën e një partie. Rektori të mbledh për pronë, jo për shkencë e studime, as një mesazj që mirëpret studentët. Për ata që duan të bëjnë shkencë i mirëpres rektori i përket të kaluarës është pjesë e një skeme korruptive që u vërtetua edhe me tenderin e parë dhe do vazhdojë ta mbylli edhe këto muaj që i kanë mbetur… ta harrojë sa të jem unë kryetar bashkie s’do lejoj zgëqe në kryeqytet. Kopshti botanik s’është monpol i Mynyrit, por edhe i qytetarëve të Tiranës” tha Veliaj.

Ndërsa nënkryetari I Bashkisë, Arbjan Mazniku tha se Universiteti nuk ka kapacitetet financiare për të menaxhuar Kopshtin Botanik.

“Ne jemi shumë të gatshëm që të ulemi dhe ta bëjmë atë bashkë. Edhe planin e investimeve dhe mënyrën si do të bëhet, sepse besojmë që ju jeni aktorët që e dini më mirë se çfarë duhet bërë aty. Çfarë është vërtetuar tashmë nga ana historike është që universiteti për fat të keq nuk e ka mundësinë dhe kapacitetin financiar për të investuar në Kopshtin Botanik në mënyrën që ta kthejë atë në një Kopsht i cili të kryejë funksionet akademike. Ta kthejmë plotësisht në një Kopsht që përveç funksioneve akademike të ketë mundësinë të kryejë edhe një seri të tjera funksionesh publike”, tha Mazniku.

Dekani i Fakultetit të Shkencave të Natyrës, Spiro Drushku paralajmëroi se do të vijojnë protestat ndaj vendimit të Qeverisë dhe se ato do të bëhen më masive. Ai gjithashtu kritikoi deklaratat që po bëhen nga zyrtarët e bashkisë ndaj drejtuesve të fakultetit, të cilët kundërshtojnë vendimin.

Reagime për vendimin e qeverisë për ka patur edhe nga partitë e opozitës të cilat akuzojnë kryeministrin Edi Rama dhe kryebashkiakun Erion Veliaj se kanë në plan të ndërtojnë pallate në zonën e Kopshtit Botanik. /Opinion.al

Pas