Dy të rinj shqiptarë janë vënë në pranga nga policia britanike pasi u kapën në një fermë kanabisi.
Mediat e huaja bëjnë me dije se kanë arrestuar shtetasin 26-vjeçar Astrit Baja dhe Desar Xhakollin, 28 vjeç.
Dy emigrantë të paligjshëm shqiptarë, të cilët mbërritën në Britani përmes kamionëve, ndodheshin brenda një shtëpie, duke u kujdesur dhe duke ujitur 73 bimë të në një fabrikë të sofistikuar kanabisi,
Bimët kishin një rendiment të mundshëm prej 55 g kanabis të korrur për secilën bimë, duke bërë një total të mundshëm prej 4.02 kg. Policia gjeti gjithashtu dy kuti të mëdha kartoni që përmbanin një 8.91 kg kanabis, me një vlerë të mundshme në rrugë prej 89,100 £.
Në banesë u gjet lëndë narkotike me vlerë mbi 100,000 £, 400 £ para të Xhakollit si dhe 180 £ të cilat i mbante Baja. Të dy u deklaruan fajtorë mbi bazën se ishin kopshtarë të bimëve narkotike.
Avokatja e tyre tha se dy të rinjtë nuk kishin dënime të mëparshme dhe se pranuan të kujdeseshin për lëndën narkotike, pasi e panë si të vetmen mundësi për të siguruar jetesën.
“Të dy këta të pandehur erdhën në Mbretërinë e Bashkuar në kërkim të një jete më të mirë”, tha avokatja McGeeney.
“Megjithatë, për shkak të rrethanave në të cilat u gjendën, me të ardhura të kufizuara financiare dhe pa strehim, ata e konsideruan veten pa alternativë tjetër veçse të shkonin në shtëpinë e barit dhe të vepronin si kopshtarë”, shtoi ajo.
Të dy të rinjtë që kishin qenë në paraburgim për rreth 23 javë që nga 15 nëntori, u burgosën nga gjyqtarja me nga një vit burg.
