Koordinatori amerikan kundër korrupsionit global, Richard Nephew pritet të vizitojë Shqipërinë javën e ardhshme.
Vizita e tij është njoftuar nga Departamenti i Shtetit, dhe do të zhvillohet në kuadër të një turi në Evropë.
DASH njofton se kjo vizitë do të shërbejë për të theksuar përkushtimin e vazhdueshëm të Shteteve të Bashkuara për të luftuar korrupsionin në Ballkanin Perëndimor, për të forcuar sundimin e ligjit dhe për të adresuar sfidat e përbashkëta të momentit.
Tirana do të jetë ndalesa e fundit e koordinatorit, më 20 qershor. Sipas DASH, Richard Nephew do të takohet me përfaqësues të qeverisë dhe shoqërisë civile.
“Ai do të diskutojë mbi punën që është duke u bërë në luftën kundër korrupsionit dhe fushat për bashkëpunim të mëtejshëm në përpjekjet kundër korrupsionit”, thotë DASH.
