Gabimi i kullës së kontrollit i ka çuar dy avionë me 228 pasagjerë në bord në të njëjtën pistë. Alarmi i pilotit të njërit prej tyre i ka shpëtuar të gjithë.
“Ndërprite manovrën”. Nëse nuk do të ishte ky njoftim nga piloti i easyJet Boeing 787 , një avion i “United Airlines” do të ishte ulur duke besuar se ajo ishte pista e duhur e tij. Dhe mund të kishte përfunduar duke u përplasur me Airbus A320 të një linje low cost britanike, duke shkaktuar një katastrofë të përmasave të mëdha.
Tragjedia u shmang për pak sekonda në 20 korrik të vitit 2020, në aeroportin e Parisit “Charles de Gaulle”, por u bë publike vetëm së fundi nga një raport i publikuar nga Zyra e Ankesave dhe Analizave për Sigurinë e Aviacionit Civil, agjencia franceze që heton incidentet në këtë sektor.
Një dokument me 14 faqe tregon gabimin e komunikimit me kullën e kontrollit, por edhe një përgjgje të gabuar nga kabina e United, që mund të kishte vrarë 228 persona.
Një avion i United Airlines po drejtohej në pistën e duhur, kur kontrollori i fluturimit i ka thënë gabimisht në anglisht se ishte autorizuar të ulej në pistën “09 majtas”. Në këtë pikë piloti kishte kërkuar konfirmim përmes fjalës “kuptoj”, duke i thënë se e kishte kuptuar që duhej të shkonte në pistën tjetër. Por në gjuhën aeroportuale duhej përdorur termi “confirm”, që i kërkon kontrollorit ta konfirmojë uljen në pistën majtas. Kontrollori nuk i është përgjigjur edhe për faktin se një Boeing 787 i Air France kishte kërkuar qëndrim më të gjatë në atë pistë për shkak të një problemi teknik.
Nga e njëjta pistë, ishte duke u ngritur avioni EasyJet i cili fatmirësisht pa avionin tjetër që po afrohej dhe që nuk ishte më pak se 300 këmbë nga toka dhe dha alarmin: «Ju po uleni në pistën e gabuar, ikni ! Largohu! ”, sinjalizoi bashkë-piloti përmes radios. Në atë kohë, Boeing ishte vetëm 80 këmbë nga toka, dhe 250 metra nga fundi i pistës. Me një kthesë të shpejtë ai arriti të ngrihej përsëri dhe të shmangte përplasjen. Kontrolluesi u tha hetuesve se ai ishte përdorur fjalën e gabuar, pasi ishte përqendruar në pistën 09 ku një Boeing 787 i Air France sapo kishte zbritur atje./Opinion.al
