Policia e Shkodrës ka arrestuar një 52-vjeçar pasi mbante në automjetin me të cilin qarkullonte, radio si të Policisë, për të monitoruar lëvizjet e efektivëve.
I arrestuari është identifikuar me inicialet B. H., banues në lagjen “3 Heronjt”, Shkodër.
Gjatë kontrollit në servisin në pronësi të 52-vjeçarit, u gjetën një armë zjarri pistoletë me fishekë në fole, gati për qitje, municion luftarak, një radio tjetër si e Policisë, shkop metalik dhe tabelë si ato të Policisë dhe një armë e ftohtë dorezë metalike.
“Specialistët për Hetimin e Krimeve të Komisariatit të Policisë Shkodër, në bashkëpunim me Prokurorinë, vijojnë veprimet e thelluara hetimore, për zbardhjen dhe dokumentimin e plotë ligjor të këtij rasti”, njofton policia.
