Avokati i kampit të MEK, Genc Gjokutaj pretendon se policia ka përdorur gaz lotsjellës si dhe kanë dhunuar iranianët në kampin e MEK.
Përmes një deklarate për mediat, Gjokutaj thotë se është ushtruar dhunë ndaj iranianëve.
Ai thekson se nga gazi lotsjellës dhe dhuna e ushtruar ka ndërruar jetë një person, por janë duke pritur raportin mjekoligjor për të verifikuar ngjarjen e ndodhur.
Sipas tij, nga ana e popullit iranian nuk ka pasur sulm apo dhunë të ushtruar kundrejt forcave policore.
“Është përdorur gaz lotjsellës dhe shkopinj gomash. Kanë kërkuar arsyet por nuk ua kanë dhënë. Kemi një të vdekur, që ka ndërruar jetë nga gazi lotsjellës dhe goditjet. Është evidente, viktima ka hematoma, është goditur me sende të forta në pjesën e ballit. Po presim raportin mjekologjit dhe i policisë.
Nuk ka pasur arrestime gjë që tregon se nuk ka pasur sulm nga ana e iranianëve”, tha avokati, Genc Gjokutaj.
