Apeli i Gjykatës së Posaçme ka rrëzuar ankimimin e ish/zëvendëskryeministrit Arben Ahmetaj për kontrollin që u krye në banesën e bashkëjetueses së tij në Hamallaj.
Vendimi u mor nga turpi gjykues i përbërë nga gjyqtari Dhimitër Lara, në dhomë këshillimi. Ahmetaj kishte ankimuar kontrollin nga agjentët e BKH-së me argumentimin se ishte i paligjshëm. Por, përmes këtij vendimi Apeli e konsideron të rregullt kontrollin e para 20 ditësh.
Ish-zëvendës kryeministri është nën akuzë për shpërdorim detyre, korrupsion dhe pastrim parash.
SPAK po heton ish ministrin Arben Ahmetaj në kuadër të procedimit 277/1. Ky procedim është një fraksion hetimor për çështjen e inceneratorëve.
Në kuadër të hetimeve, hetuesit e Byrosë Kombëtare të Hetimit kanë zbarkuar për kontroll në disa nga pasuritë në emër të ish-bashkëshortes së Arben Ahmetaj, dhe të bashkëjetueses Erjola Hoxha.
Gjatë kontrollit tek vila në zonën e Hamallajt, u sekuestruan 30 mijë euro dhe një sërë dokumentesh. Ndërkohë në shtëpinë e ish-bashkëshortes u sekuestruan vetëm disa dokumente./Opinion.al
