Një 27-vjeçar ka përfunduar në pranga të policisë. I riu me inicialet S. R është arrestuar, pasi gjatë kontrolleve për të zbuluar vrasësit e 47-vjeçarit Nikola Ikonomi iu gjet një armë zjarri automatik me municion luftarak.
Ka qenë qeni i policisë ai qe e ka zbuluar afër malit të Beunit, të fshatit Matogjin. Gjithashtu, nga hetimet e kryera ka rezultuar se ky shtetas ka qenë i dënuar më parë për vjedhje me armë në shtetin grek.
Mbrëmjen e së mërkurës 47-vjeçarit, Nikola Ikonomi (Laver Tozaj) u qëllua me 7 plumba, pranë banesës së tij në Selenicë të Vlorës.
Dyshohet se ka qenë një autor i vetëm, kjo për shkak se është qëlluar shumë afër dhe më pas është larguar me shpejtësi nga vendi i ngjarjes duke shfrytëzuar faktin që nuk kishte drita.
Gjithashtu, dyshohet se ai e njihte mirë zonën duke u larguar me shpejtësi, pa u vërë re nga askush./ Opinion.al
