Përkeqësimi i situatës së pandemisë në vend ka bërë që policia të intensifikojë kontrollet për respektimin e masave anti-COVID. Autoritetet bëjnë me dije janë gjobitur 994 qytetarë, të cilët nuk respektuan masat anti-COVID.
Në 24 orët e fundit, Policia e Shtetit bën me dije se janë ndëshkuar me gjobë 3.000 lekë 986 qytetarë të cilët u konstatuan pa maskat mbrojtëse.
Gjithashtu, shërbimet e Policisë Rrugore kanë ndëshkuar me gjobë, 192 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.
Gjatë kontrolleve, shërbimet e Policisë kanë konstatuar 1 subjekt që ushtronte aktivitetin në kundërshtim me protokollet e sigurisë anti-COVID. Për administratorin e këtij subjekti është vendosur masa administrative 1.000.000 lekë.
Ndërsa në të gjithë vendin janë ndëshkuar me masë administrative 10.000 lekë, 7 shtetas që janë konstatuar duke lëvizur në këmbë pas orës 20:00./Opinion.al
