Kontrolle e verifikime në Elbasan mëngjesin e kësaj të hëne, 21 korrik.
Siç raporton gazetari i Klan News, Fatos Salliu, aksioni është ndërmarrë në kuadër të hetimit të një viti më parë lidhur me zjarrin te mbetjet në këtë qytet.
“Aksioni është ndërmarrë në kuadër të procedimit penal nr. 1417, i vitit 2024, i cili është regjistruar fillimisht për veprën penale të zjarrvënies”, raporton gazetari.
Kujtojmë se fusha e mbetjeve në Elbasan u përfshi nga zjarri edhe këtë vit, për ditë me radhë, duke çliruar sasi të mëdha tymi toksik. Këto flakë kanë shkaktuar dëme të mëdha mjedisore.
Banorët e Elbasanit, përballen shpesh me cilësi shumë të keqe të ajrit, që pason dhe në sëmundje, për shkak të Metalurgjikut, por dhe djegies së mbetjeve.
