Policia e Shtetit vijon kontrollet në rrugë me qëllim parandalimin e aksidenteve dhe rritjen e sigurisë. Mbrëmjen e djeshme është monitoruar trafiku në autostradën Tiranë-Durrës.
Në një njoftim zyrtar autoritetet bëjnë me dije se në disa orë kontroll u evidentuan disa raste të drejtuesve të mjeteve që lëviznin me shpejtësi tej normave të lejuara.
Në bilancin e publikuar bëhet me dije se janë pezulluar 12 leje drejtimi për shpejtësi duke filluar nga 129 km/h deri në 152 km/h dhe janë vendosur 18 masa administrative, që varionin nga 6.000 deri ne 12.000 lek të rinj për shpejtësi jo më shumë se 30 km/h mbi kufirin e lejuar.
“Vijojnë kontrollet parandaluese me radar nga Policia Rrugore e Tiranës, për të parandaluar ngjarjet rrugore dhe për të garantuar sigurinë në itineraret e përdoruesve të rrugës.
Me shërbime të mirëorganizuara, me patrulla në distancë dhe me pajisjet teknike është monitoruar trafiku rrugor në të dy karrexhatat e rrugës Tirane-Durres dhe anasjelltas.
Për disa orë kontroll, u evidentuan shumë drejtues mjetesh që shpejtonin për të fituar vetëm disa minuta kohë më shumë, duke qarkulluar nga 40 deri në 60 km/h më shumë se shpejtesia e lejuar ku fluksi i mjeteve në rrugë ishte akoma shumë i lartë.
12 Leje Drejtimi të pezulluara nga 1 muaj deri ne 4 muaj për shpejtësi që varionte nga 129 km/h deri në 152 km/h dhe 18 masa administrative, që varionin nga 6.000 deri ne 12.000 lek te rinj për shpejtësi jo më shumë se 30 km/h mbi kufirin e lejuar.
Policia Rrugore e kryeqytetit apelon për të gjithë drejtuesit e automjeteve të tregojnë KUJDES maksimal
Rrugët në hyrje dhe dalje të Tiranës, në drejtim të Durrëst apo të Elbasanit dhe anasjelltas, si dhe nga Kamza në Bulevardin e Ri në Kashar, janë të monitoruara me radar në mënyrë permanente”., njofton policia.
