Policia e Shtetit ka njoftuar mbi kontrollet e ushtruara mbrëmjen e djeshme në Nikël të Krujës.
Sipas informacioneve bëhet me dije se kontrollet janë ushtruar në 7 banesat e:
- Durim Bami
- Valter Bami
- Bedri Haka
- Marklen Haka
- Gentjan Koçi
- Ylli Çangu
- Ervin Kodra
Teksa theksohet se gjatë operacionit në të cilin është përdorur edhe dron janë përfshirë, Drejtoria Hetimore Qendrore në Drejtorinë e Përgjithshme të Policisë së Shtetit, Forcat Speciale Renea, Drejtoria e Forcës së Posaçme Operacionale, Drejtoria Vendore e Policisë Durrës e Drejtoria Vendore e Policisë Tiranë. Në informacionit zyrtar thuhet se në 7 banesat e kontrolluara janë gjendur prova materiale të cilat do ti shërbejnë hetimit të nisur për personat e sipër përmendur.
Njoftimi:
Kontrolle në funksion të procedimit penal të ndjekur nga SPAK-u ndaj një grupi të strukturuar kriminal.
Kontrollet për sigurimin e provave që do t’i shërbejnë hetimit, të zhvilluara në zbatim të vendimit të Gjykatës së Posaçme të Shkallës së Parë Kundër Korrupsionit dhe Krimit të Organizuar.
Në operacionin e kontrollit të banesave në Nikël, Krujë, janë përfshirë Drejtoria Hetimore Qendrore në Drejtorinë e Përgjithshme të Policisë së Shtetit, Forcat Speciale Renea, Drejtoria e Forcës së Posaçme Operacionale, Drejtoria Vendore e Policisë Durrës e Drejtoria Vendore e Policisë Tiranë.
Gjatë operacionit të kontrollit, ku përdorën edhe dronë, janë zhvilluar kontrolle në 7 banesa, konkretisht: Në banesat e shtetasve: Durim Bami, Valter Bami,Bedri Haka, Marklen Haka, Gentjan Koçi, Ylli Çangu dhe Ervin Kodra.
Gjatë kontrollit të banesave janë gjetur dhe sekuestruar prova materiale që do t’i shërbejnë hetimit në interes të procedimit penal./Opinion.al
