Rreth 2 mijë efektivë të Policisë së Shtetit janë në terren për të garantuar sigurinë e personaliteteve të ardhur në Tiranë në kuadër të Samitit të Procesit të Berlinit.
Samiti vijon punën në godinën e re të Piramidën në kryeqytet, ndërsa pritet që efektivët e policisë të jenë në gatishmëri deri në momentin që delegacionet të largohen nga Tirana.
Ashtu siç mund të shihni edhe në fotot e shkrepura nga LSA, efektivët e policisë janë shpërndarë në rrugët e kryeqytetit, disa prej tyre janë vendosur lart në godina dhe survejojnë me dylbi nëse ka lëvizje të dyshimta që cenojnë sigurinë e liderëve të BE-së dhe rajonit.
Gjithashtu, për të garantuar sigurinë e këtij aktiviteti, po bashkëpunohet me agjencitë e tjera të zbatimit të ligjit në vend, si dhe me organizatat ndërkombëtare INTERPOL dhe EUROPOL, për shkëmbimin në kohë të informacioneve.
Kujtojmë që prej mbrëmjes së djeshme disa nga rrugët e Tiranës janë bllokuar plotësisht dhe kjo masë do të vijojë deri në orën 20:00 të mbrëmjes së sotme./Opinion.al
