Janë zbardhur detaje të reja në lidhje me operacionin për identifikimin e pronarëve të sasisë së kokainës së kapur dy kontinierë në portin e Durrësit.
Sipas burimeve, policia greke ka vendosur të ngrejë një kurth për personat që do të merrnin drogën nga kontinierët. Ata kishin zëvendësuar pakot me kokainë me pako orizi dhe brenda tyre kishin vendosur gjithashtu GPS për të gjurmuar lëvizjet.
Për këtë ngjarje janë arrestuar Ardian Bega dhe Altin Mislihaka ndërsa në kërkim është shpallur një person me iniciale G.M.
Mësohet se gjatë dëshmisë së tij në prokurori Ardian Bega, oficer i sigurisë në portin e Durrësit, ka thënë se kurthi i ngritur nga policia është pikasur nga ata në kohën që ishin në makinë pasi kishin marrë drogën nga kontinierët.
Vendosëm të hyjmë në port nga ana e Urës së Dajlanit dhe në fund arritëm që t’i merrnim pakot. U nisëm të dy drejt Shkëmbit të Kavajës dhe përpara hotel L… kuptuam se diçka nuk shkonte. Kur shtetasi G.M i pa pakot ai e kuptoi dhe tha; “Nxirre qe ta shikoj me ça është e mbështjellë”. Dhe u kur i pa, ai e kuptoi se gjithçka ishte lojë dhe se po ndiqej nga policia. Ai më tha; “Nuk është kjo mbështjellja që kemi kërkuar. E gjitha është një lojë”. Menjëherë vendosi t’u thotë personave që ishin në makinë (me targa franceze) që të mos flisnin më, pasi brenda mund të kishte çip”, mësohet të jetë shprehur Ardian Bega. /Opinion.al
