Konsumimi i alkoolit dhe luajtja e në lojëra të fatit iu ka kushtuar me torturim në publik dy burrave të krishterë në Indonezi. Në zbatim vendimit të marrë nga autoritetet në provincën Aceh, ata janë goditur me shkop.
Në këtë provincë, për shkak të popullsisë me shumicë dërrmuese myslimane, është në zbatim dhe Sheriati. Ky dënim është një ndër rastet e rralla, pasi ndëshkimi u dha edhe personave që nuk janë pjesë e besimit mysliman.
Zakonisht, ndëshkohen abuzuesit e ligjit islam, personat homoseksualë apo ata që kryejnë tradhti bashkëshortore ose marrëdhënie seksuale para martese.
Të dy të akuzuarit morën nga 40 goditje me shkop nga policia e Sheriatit. Njëri prej tyre tha se kishte zgjedhur vetë këtë ndëshkim, për të shmangur ndjekjen penale, pasi përndryshe mund të dënohej deri me 6 muaj burg.
