Një ngjarje e rëndë ka ndodhur në qytetin e Korçës, ku një 59-vjeçar ka humbur jetën pasi ka konsumuar një sasi të madhe medikamentesh mjekësore.
Policia njofton se ngjarja ka ndodhur në lagjen nr.2 të qytetit të Korçë.
Viktima me inicialet P.C, pasi piu ilaçet u transportua në spital, por aty ndërroi jetë.
Policia dhe grupi hetimor po punon për sqarimin e rrethanave të ngjarjes.
Korçë/Informacion paraprak
Pasditen e sotme, në lagjen nr. 2, Korçë, në banesë, shtetasi P. C., 59 vjeç, nga të dhënat e para dhe deklarimet e marra familjarëve të tij, dyshohet se ka konsumuar një sasi të konsiderueshme medikamentesh mjekësore. Ky shtetas u transportua për mjekim në spital në gjendje të rëndë shëndetësore, ku më pas ka ndërruar jetë.
Grupi hetimor po punon për sqarimin e rrethanave të ngjarjes.
