Një banor i shtëpisë së të moshuarve ka ndërruar jetë pasi konsumoi gabimisht detergjent nga një shishe pa etiketë e mbetur në dhomën e tij, tha gjykata.
Kompania që drejton shtëpinë e të moshuarve në Monifieth, Skoci, pranoi se ishte përgjegjëse për vdekjen e 90-vjeçarit David Fyfe.
Ai vdiq nga helmimi pasi kishte pirë një filxhan me lëngun pastrues të tualetit. Z. Fyfe, i cili kishte një sërë problemesh shëndetësore, përfshirë sëmundjen e Alzheimerit, ishte mbyllur në dhomën e tij pas kontraktimit të Covid.
“Ai kishte vështirësi në frymëmarrje dhe dhimbje gjoksi. Stafi vëzhgoi një filxhan me mbetje të lëngut pastrues në tavolinë. Ishte të njëjtën ngjyrë si dezinfektuesi. Ai nuk ishte në gjendje të konfirmonte nëse kishte marrë ndonjë nga lëngjet, por u transferua në Spitalin Ninewells për monitorim”, tha një vajzë e stafit.
Zonja shtoi: “Kimikatet e pastrimit nuk mbaheshin kurrë në dhoma dhe mbylleshin në dollap. Nuk dihet pse shishja në dhomën e tij nuk ishte etiketuar.”
Kompania pranoi se nuk kishte siguruar që banorët të mos ishin të ekspozuar ndaj rreziqeve për shëndetin dhe sigurinë e tyre.
Si rezultat, i moshuari vdiq nga inflamacioni i rëndë i rrugëve të frymëmarrjes dhe pneumoni.
Ndërkohë kompania ka bërë me dije se pas kësaj tragjedie, kanë marrë të gjitha hapat e nevojshëm për të siguruar që kjo ngjarje të mos ndodhë më kurrë./Opinion.al
