Enkelejd Alibeaj u pyet nga gazetarët nëse do të konsultohej me ish-kryeministrin Sali Berisha për emrin e kandidatit për president por ai tha se kjo i takonte vetëm Grupit Parlamentar.
Ai tha se do të vijojë konsultimet me deputetet demokratë, ndërsa shtoi që do të marrë mendime edhe nga aleatët.
“Jemi në proces për të dhënë kontributin tonë dhe për këtë ishte union i të gjithë anëtarëve pra është e qartë për këdo, për anëtarët e Grupit Parlamentar të PD. Besoj që ky procesi përmbush të gjitha kërkesat që procesi do të duhet të ketë. Nesër pasdite do të ketë një tjetër mbledhje me kolegët tanë me aleatët tanë, dhe besoj se secili ka pasur lirinë të flasë. Sërish do të kem takim me aleatët, në çdo kohë, e kam disponibilitetin prej tyre për të folur. Nuk marrë garanci nga Balla dhe Rama, vetëm të Grupit parlamentar të PD. E drejta për të propozuar është e opozitës”,-tha Alibeaj.
