Ish-ministri i Jashtëm, Ditmir Bushati ka reaguar në lidhje me lajmin se ka emëruar konsull nderi një njeri të kërkuar nga drejtësia. (LEXO LAJMIN KËTU)
Sipas tij lajmi i Top Channel është i pavërtetë, ndërsa procedurat për emërimin e konsujve të nderit thotë Bushati janë të përcaktuara qartë në Konventën e Vjenës për Marrëdhëniet Diplomatike.
“Në çdo rast janë agjencitë e specializuara të vendit propozues dhe atij pritës që kryejnë verifikimin e pastërtisë së personit. Mjafton hulumtimi i dokumentacionit për këtë rast për të kuptuar se është zbatuar në menyrë rigoroze procedura”, thekson ish ministri i Jashtëm./Opinion.al
