Konstituohet ditën e nesërme Kuvendi i ri i Kosovës, i dalë nga zgjedhjet e parakohshme që u zhvilluan në 14 shkurt.
Bëhet me dije se në këtë seancë të parë pritet të zgjidhen edhe strukturat drejtuese të Kuvendit të ri, teksa Lëvizja Vetëvendosje ka konfirmuar Glauk Konjufcën si kandidat për kryeparlamentar.
Ndër të tjera Vetëvendosja synon që të zgjedhë edhe qeverinë e re të vendit që do të drejtohet nga Albin Kurti.
Vetëvendosja së bashku me minoritetet nuk arrijnë të bëjë shumicën e nevojshme për të zgjedhur presidentin e ri, ndaj çdo gjë varet nga qëndrimi që do të mbajnë partitë shqiptare opozitare. Kurti dhe Osmani kanë zhvilluar një sërë takimesh me liderët e këtyre forcave dhe kanë kërkuar konstruktivitet të paktën nëpërmjet prezencës në seancë.
Lidhja Demokratike e Kosovës e drejtuar nga Lumir Abdixhiku, nuk e ka përjashtuar ende mundësinë që të jetë pjesë e votimit të presidentit, ndërsa për këtë çështje pritet të zhvillohet këtë javë edhe një takim me kandidaten për president.
“Jemi dakorduar që pas formimit të institucioneve, të takohemi me pretendenten për kandidate për presidente dhe të kuptojmë më qartë pozicionin e saj si pretendete për presidente karshi LDK-së, LVV-së, karshi partive opozitare dhe në veçanti karshi nismës së saj politike, të paralajmëruar. Pas formimit të institucioneve javën tjetër, presim ftesën nga pretendentja për presidente”./Opinion.al
