Është konstituar komisioni hetimor parlamentar “Tahiri”. Kryetari i Komisionit Edi Paloka ka lexuar se cili ishte objekti i plotë i komisionit dhe rregullat që do të ndiqen.
Paloka tha se për shkak të materialeve sekrete që do të vihen në dispozicion, deputetë duhet të paraqiten për t’u pajisur me çertifikatë sigurie”. Po ashtu, kërkoi nga deputetët datën e re kur do të mblidhen për mbledhjen e radhës. Por kjo kërkesë ngjalli debate, pasi deputetët e PS thanë të mblidhen pas një jave, se kishin punë tjera.
Pas tij, fjalën e ka marrë deputetja e PS-së, Felaj, e cila ka deklaruar: “Në mbledhjen e parë të komisionit, ligji e përcakton qartë se cfarë bëhet, kryetari deklaron qëllimin e ngritjes, detyrat e komisionit dhe planin paraprak të hetimit. Hetimi nuk mund të hapet që sot, se duam të dëgjojmë planin paraprak të hetimit dhe pastaj rezervojmë të drejtën të shprehemi”- tha ajo.
Deputeti Sterkaj propozoi emrin e Klotilda Ferhatit si sekretare e cila më pas edhe u votua.
Perberja e komisionit
Kryetari Edi Paloka (PD)
Nënkryetari Ermonela Felaj, (PS)
Klotilda Ferhati, (PS)
Pjerin Ndreu, (PS)
Paulin Stërkaj, (PS)
Xhemal Qefalia (PS)
Bashkim Fino (PS)
Enkelejd Alibeaj, (PD)
Myslym Murrizi (PD)
Flamur Noka (PD)
Endrit Brahimllari (LSI)
