Mbi 2.2 ton kokainë me vlerë rreth 430 milionë paund është sekuestruar në brigjet irlandeze pas një informacioni të dhënë nga DEA Amerikane.
Sipas mediave të huaja, “Clan del Golfo” një kartel kolumbian, një konsorcium i udhëhequr nga shqiptarët dhe karteli irlandez “Kinahan” janë tre grupet kriminale që qëndronin pas kësaj ngarkese.
Task Forca beson gjithashtu se trafiku transatlantik i drogës ishte organizuar që nga Dubai. Rreth njëzet banda me bazë evropiane mendohet se kanë qenë të përfshira në operacionin e trafikut që përfundoi pa sukses, pasi trafikantët të përfshirë nga kaosi se u pikasën, e përplasën anijen në breg.
Policia irlandeze ndoqi anijen e mallrave MV Matthew, të regjistruar në Panama, në brigjet juglindore të Irlandës në një operacion të madh të nisur pasi anija refuzoi urdhrat për të ndaluar.
Gjashtë anwtarë të ekuipazhit, një shtetas i Mbretërisë së Bashkuar, tre ukrainas dhe dy iranianë (përfshirë kapitenin iranian) – janë arrestuar për t’u marrë në pyetje.
Zyrtarët thanë se droga e kishte origjinën nga ‘një kartel vrasës’ në Kolumbi dhe po furnizonte anije më të vogla që do të lundronin në anijen me kontejnerë nga e cila më pas do të hiqej droga, përpara se ta shpërndanin në tregun evropian.
Tani, detektivët po lidhen me homologët e tyre në Emiratet e Bashkuara Arabe, ku ata besojnë se trafiku ishte ideuar, ndërsa po përpiqen të identifikojnë ata që fshihen pas këtij trafiku.
Ata thanë se tani ka shqetësime të mëdha se kapja e madhe e drogës do të rezultojë në gjakderdhje bandash pas ndërprerjes së rrjetit./Opinion.al
